كل عام وأنتم بخير

من العايدين الفايزين عساكم من عوادة
للعيد فرحة يعيشها الجميع صغار وكبار رجال ونساء تتفاوت مستوى الفرحة لكن في الاخير بيفرح الكل
وما احلى عيد زمان مع بقاء بعض مراسيمه في القرى إلى الآن نتجمع في صلاة العيد في مكان واحد مصلى العيد معروف للكل نتبادل القبلات ونحي سنة وهي الصلاة خارج البنيان والخروج للصلاة من طريق والعودة من طريق آخر ,, ولكون المكان موحد وكبير ومعروف نتقابل مع البعيد والقريب وبعد كذا نبدأ بعمل شئ برمة على كل البيوت اللي في القرية وكل بيت يفرش سُفرة فيها ما لذ وطاب من الحلويات ,, حقت زمان كلها صحة زي مثلاً ” الحلقوم ” هذه شوكولاين حقتنا وكمان الموز تغمسة في طاسة السمن امممممممممممممطعم شئ رهيب ما تلاقية عند باتشي ,, واعتقد قوة الريال السعودي بسبب المعايدات كانوا الكبار يوزعوا علينا احنا الصغار ريالات
ناس نعرفهم وناس ما نعرفهم والهبرة الكبيرة من الريالات كانت تجي من أبائنا وأعمامنا وأجدادنا
وبعد كذا يجي دور وجبة الغداء بعد صلاة الظهر نعمل كمان برمة ثانية لكن هنا السعرات الحرارية عاااااااالية كثير عيش حياتك مع عيش بالمرق واااااااااو أو باللبن وكبسات اللحم تخيل اكثر من نوع من الطبخات تمر عليها في اليوم وطبعاً الكبار يعيدوا اقاربهم من امهاتهم واخواتهم وزوجاتهم وغيرهم حتى لو كانوا بعيدين خارج القرية
فرحة مدتها ثلاث أيام كل يوم بنفس الطريقة طبعاً ما عدا المعايدة ابو ريال هي بس في اول يوم .
جينا في عيد المدن فعلاً مختصر بطريقة كئيبة
صارة الناس يتوزعوا في المساجد تلاقي الحي الواحد فيه مسجدين تقام فيه صلاة العيد
نصلي ونرجع حتى جارك في الشقة اللي فوقك امكن ما تقابلة وتكتفي بالاتصال عليه بالجوال أو برسالة قصيرة بسبب كثرة المصليات في الحي الواحد وحتى الصلاة في المسجد تلاقي النساء داخل المسجد والرجال خارجه يعيني حواجز وكتمة حتى في العيد الله يعينك يا حواء ما تدروا ضعتم بين الشرع والتقاليد
وغير الناس اللي ما ينلاموا ما يصحوا إلا بعد العصر ويخرج بقصد العيد وما يكمل ساعة ويرجع من كثر الزحام في الشوارع طبعاً كذا خلص عيدة !!!
وفيه ظاهرة غريبة سبحان الله كبرت البيوت وضاقت النفوس !!!
تخيلوا بيوت القرى على صغرها لكن كانت تشيل أهل القرية بكاملهم .
أتمنى يجي اليوم اللي تكون فيه المصليات خارج البنيان وترجع الناس تزور بعض مع توفر وسائل المواصلات أفضل من زمان بكثير ,, وكل عام وأنتم بخير .


اقرأ أيضاً :

تعليق 16 على “كل عام وأنتم بخير”

  1. بسم الله الرحمن الرحيم
    كل عام وانت بخير يا أستاذ فيصل وعساك من عواده
    والله مدونتك الأخيرة هذه عن العيد جاءت على الجرح، العيد في المدن هذه الأيام ذهبت قيمته وأصبح لا طعم له، إذا كان رمضان نفسه أصبح شهر الطعام والمسلسلات، فما بالك في العيد، نحن في عصر العولمة والسرعة هذا كل واحد منشغل بأموره ولا وقت لديه حتى للمعايدة
    الله يكون في العون 🙂

    محمد رمضان

  2. يقول Mohmmad Rajab:

    أبو الوليد…صدقني البيت له طعم ثاااني في العيد ما تحس الطعم دا الا اذا طبيت في زحمة العيد والناس كل واحد لابس اللي على حبل الغسيل وتطالع في وجهه نفسه ينزل يلطش اي احد وشكله كئيب..تسأله ليش اشبك يقولك زحمة..تقوله طيب ليش تخرج في الزحمة يقولك عيد!! مبرمجين..على العموم…كل عام وانت وبخير…شفت قلت لك هي عن طريق مدونتك حتى مش في رسالة..عشان نكون بنستخدم التكنولوجيا في العولمة..قصدي العولمة في النمليه..قصدي العملية في النملية والشخرموطة في الطرللوللي 🙂
    المهم…كل عام انت بخير

  3. يقول محمد الغامدي:

    كل عام وانت بخير يافيصل،
    من جد يازين عيد زمان بسيط وميسر ومتطلباته قليه اما الآن لازم تلف الاسواق عشان مقاضي العيد.
    انا صرت اكره العيد والسبب الاسواق وزحمتها

  4. حياك الله اخوي محمد رمضان ومن العايدين
    على الرغم من قوة الالمبتلاشي فرحة العيد إلا أني احاول اعيش اولادي فرحة العيد وافرح من فرحتهم بالعيد واكتفي بكذا .

  5. كل سنة وانت طيب ومن العايدين الفايزين يا محمد رجب
    والله كلامك صحيح مشاكل وتلطيش في العيد ومشاكل كثيييييير
    تقول مستنيين العيد علشان يتضاربوا
    وأحلى شئ غسيل الملابس في العيد لا تنسى خاخاخاخاخاخاخاخ .

  6. كل سنة وأنت بخير يا محمد الغامدي
    ما تنلام مصاريف زايدة تبدأ تُقضي أغراض للعيد من نصف رمضان وما تخلص إلا قبل صلاة العيد بساعة أو بساعتين كثرة الاسواق وكثرة المطالب .

  7. يقول الوالي:

    حيا الله العيد،والعيد من فيصل غير لان فيصل اصلا غير عن كل الفيصلات حتى من زمان
    اي واحد اسمه فيصل تلقاه مختلف حتى في العيد مختلف والاختلاف شيء زين مررره
    لا أحد يجي يقلي اني اقول شيء مو زين او موبايلي او حتى اتصالات الخضراء ذي لونا موعاجبني
    وعلى سيرة الاتصالات والزحمه اللي فيها يعني 3 شركات ماشاء الله قولو ماشاء الله وبرضو ما تلقى مكان لرسالتك ولا حتى لاتصالك ،طيب ياخي انقز نقزة وحده وروح لأخوك لأبوك لعمك وقله من العايدين لو سينها صدقوني ما يصير زحمه حتى الشوارع بتفضى ونكون في البيوت نعيد
    بيصير اكيد زحمه في الكلام لان الحين كل واحد صاير يتكلم زمان وربي لو افتح فمي في مجلس
    البابا يصكني بالطافيه لانها اقرب شيء عنده ولا العطيف وربي جاهز لكن هو مخليه للزنقات
    الظاهر احنا اللي مسوين زحمه ولا الدنيا بخير نرجع لنفسنا شويه وتغير من الداخل لان الخارج
    اصلا نموت في تغيير من سكسوكه الى طيحني. التغيير التغيير التغيير الله لو بس نفكر فيه
    وبطريقتنا احنا راح نلقى انسفسنا في احلى عيد..وكل عام وأنتم بخير يا حبيب الوالي.

  8. حياك الله ياوالينا وكبيرنا
    وكلامك جاء على الجرح التغيير التغيير ما فيش شئ أحسن من التغيير بنية التغيير وليس التجريب
    والاحلى من كذا أنك طبقت كلامك والدليل اللي صار منك اليوم حضورك وفرحتنا فيها
    الله يطول في عمرك بالصحة والسلامة وكل ما كتبتة دورر وفرحت كثير لمرورك يا الوالي
    ومن العيدين .

  9. يقول فــــــــــهـــــــــد:

    كل عام والجميع بخير والله يكتبلنا ويقوينا علي صيام الست أما بخصوص مضاهر

    الفرح كحقيقه كل شي تغير حتي فرحتنا تغيرت بتغير الوقت ولاكن للأسف كان التغير

    للأسؤ ………. صرنا نعيش بخل في المشاعر حتي بالعيد وهذا نتيجه للوضع النفسي

    الي الواحد يعيشه طول العام ………..ز

    خذ مثلا شخص عايش مع ناس يسرقون الناس بالباطل … تاجر يتلاعب بالاسعار

    طبيب لا يرحم الناس وستنزف دماءهم واموالهم بالخداع والخش

    رجال يتسترون وراء الدين من اجل مصالحه الخاصه والدين من وراءه براء

    رجل يقضي ليلة العيد بالتحليه ….

    نرجع ونقول التغيير يعادل الفرح في طول العام وليس بالعيد فقط

    ولكم جزيل الشكر …..

  10. حُرقة قلمك يا فهد أصابت أهداف مجملة في كلماتك
    وفرحة العيد رغم تناقصها لكنها سوف تدوم بإذن الله ,, ما جاء في بالي أن الكل يعانوا من ما أعاني في العيد ,, كان عندي بصيص أمل في من يعطيني الأمل في فرحة العيد ,, لكن هناك أمور ذكرتها يا فهد تدفعك للنكد رغم أنف العيد .

  11. يقول مراد:

    بإختصار شديد العيد صار عيد حضران و ياليت يرجع عيد أيام أول
    (مع العلم إني حضري و ما عصرت عيد أول خصوصا في القرى)
    خليني أدلي بدلوي
    صباح ثاني أيام العيد مريت قدام مستشفى السعودي الألماني
    يالله. كم واحد قضى عيدو في الطوارئ، الإنعاش، العناية المركزة، الثلاجة!!!
    الحمد لله الذي رزقنا البسمة أول أيام العيد

  12. حياك الله يا مراد فرحت كثير لمرورك ولا تحرمنا من زياراتك
    صحيح ,, الحمد لله على الصحة والعافية في مرضا ما يعرفوا العيد بسبب مرضهم ويتمنوا الصحة بس ,, نعمتان الله لا يحرمنا منها الصحة والفراغ .

  13. يقول الوليد ومحمد وعزوز:

    من العايدين وكل عام وانت بخير

  14. وأنتم من العايدين الفايزين وكل سنة وأنتم بخير يا أغلى ما أملك ديدو وحمودي وعزوز
    وما نسيت موضوع الدراجة بس شوي علّي .

  15. يقول magic:

    الله يخلي لك عيالك وأم عيالك،ويطول عمرك عشان تزوجهم وتزوج عيال عيال عيال عيااااالهم.
    بالنسبة لاختلاف العيد،صحيح العيد تغيّر كثييير عن قبل،
    بس هذا ما يعني أن بهجة العيد خلاص راحت واندثرت،
    بالعكس فيه ناس لسا عايشين العيد بحلاوته،،وأنا منهم
    ***
    شكرًا على الموضوع،،
    وإلى التقدم والنجاح يا أبو الوليد.
    أخوك المحبّ: magic

  16. هلا magic
    الله لا يحرمني من دعواتك ، ولا يحرمك أنت منها يارب ، شكراً على المرور ، وعيدك سعيد دائم يارب موفق .

أضف تعليقاً

Subscribe without commenting