عروس البحر (1)

صورة ، عن الموضوع

صورة ، عن الموضوع

صورة ، عن الموضوع

صورة ، عن الموضوع

صورة ، عن الموضوع

صورة ، عن الموضوع

صورة ، عن الموضوع

صورة ، عن الموضوع

صورة ، عن الموضوع

صورة ، عن الموضوع

يعجبني التميز والطرق الجديدة في التحذير ومعالجة المشاكل ،، في يوم أمس وأنا خارج من عملي رايح اجيب ولدي من المدرسة وكنت رايق وجالس أقضم كاجو ،، وفجأة بدأت سرعة السيارة في التناقص بشكل سريع جداً ،، وانحرف سائقي بالسيارة لجهة اليسار بقوة فائقة ،، على طول أخذت احتياطاتي الأمنية

سحبت طوق النجاة من تحت المقعد ،، ولبست الكمامات التي سقطت من السقف ،، وعلى طول قولت كل الاذكار اللي حفظتها من الروضة حتى الحين ،، وقريت آية الكرسي وما تيسر لي من القرآن ،، وانتظرت متى راح نصدم ويسير الحادث ،، تعرفون انا ما أشوف ، وتوقعت اننا في طريقنا لحادث رهيب ،، لكن توقفت شوية ،، وقلت في نفسي ،، ويش الموضوع ؟!
السائق ماشي عادي ما سار شئ لا حادث ولا هم يحزنون ،ولله الحمد ،، كنت مرعوب وأشرت للسائق بيدي ، ويش فيه ؟!
بعد ما حكاني وشرحلي اللي في الصور في الأعلى ضحكت حتى دمّعت عيوني ،، وبعد ما رجعنا من المدارس ذهبت مع سائقي للموقع ، وطلبت من سائقي ” محمود ” الله يعطية الصحة والعافية يصور المنظر والتميز في تحذير السائقين من حُفر عروس البحر ،، مع أن الحفرة اللي مش واضحة في الصورة من صغرها هي مطب موجود من قبل أكثر من خمسة شهور واحنا دائماً نطلع من فوقها بالسيارة يعني أدمنّا عليها ،، لكن ما ادري مين اقترح وضع هذه اللافتة لتحذير السائقين من حفرة صغيرة اعتقد أنها أصغر حفرة من حفر عروس البحر ،، لا وبعدين مرسوم عليها صورة تعني ” أعمال حفريات ” ،، والله اللي حطها رأسة كله حفريات مش مخ ،، واليوم في الجريدة هذا الخبر بعنوان أمانة جدة تعتذر لمواطن ،، بس شوف التعليقات حقت زوار الجريدة ،، بصراحة شئ مخزي رؤية مثل هذه المواضيع في صفحات صحفنا !
وتذكرت المدون ماشي صح الله يعطية العافية ما قصر في تدوينة له سابقة بعنوان سيد حفرة .
والمضحك أن اللافتة وجهها مش على إتجاه السيارات بل محطوطة بالجنب كأنها لوحة محل ” للكبدة البلدي ” ،، انا قاعد بس أتخيل لو أحد صدم فيها ويش رايح يسير لسيارتة ، ولو طلع من عليها بسيارتة ويش الناتج ، أو انحرف للمسار الجانبي وخش على السيارة اللي جنبة كم حجم الكارثة اللي راح تسير ،، عموماً تحضير لزوار شارع التحلية قبل تقاطع شارع المكرونة ” اسبكتي ، هع ” بإتجاه الغرب ، وراح أستمر في تصوير كل المشاهد المماثلة من أجل التنويه وتعاوناً مع الجهات المعنية بهذا الخصوص حتى نحقق مجتمع خالي من الحُفر والتهاون .


اقرأ أيضاً :

تعليق 24 على “عروس البحر (1)”

  1. يقول مندور بيه آبو الدهب:

    يا ابو الوليييد….الله يهديك بس يا شيخ…الان الناس متعبين نفسهم وحاطين لووحة تحذيرية…تعرف يعني ايش تحذيرية؟؟ وانت كل همك اتجاه اللوحة؟؟ ههههه…يمكن في اتجاه القبلة انت ليش ماتفكر ايجابيا؟؟
    وبعدين تصدق انا شاكك انه هذا حفرة ولا مطب…هذا شكله قبر يا عمي!!! حتى في حجرة صغيرة فوقا الرصيف ههههههه…..نفسي اشوووف المسؤول عن سفلتة شوارع جدة من جد…شكله ما عنده سيارة ومستعد اراهن على كده…مستحيييييل يكون بيركب سيارة وبيمشي في شوارع جدة…ممكن بيركب سيارة وبيمشي في شوارع باريس او اسبانيا في هذه الحالة معاه عذره…..الله يصبرنا……وعجبي

  2. يقول محمد الغامدي:

    اههههه والله يافيصل انا مقهور من الي يصير في شوارعنا.

    العام سيارة ليموزين طاحت في حفرة عند الإشارة، برضو نسيت ولد احمد الدويحي الي مات قبل سنتين بسبب حفرة في الشارع الله يرحمه.

  3. يقول ابو لين:

    ابو الوليد…

    جيت على الجرح

    انت عند بيتي كمية حفر انا متأكد انها ممكن تجيب بواسير لأي (جمل ) ممكن يعدي عليها فما بالك بالسيارات

    بعدين يا أخي فرحت انهم قرروا انهم يسفلتوا الشارع ….بعد السفلته بيومين رجعوا نكبوا الشارع بحفريات جابت الشارع شماااال .

    بس الواحد ما يقول إلا …. عساك سالم

  4. هلا يا مندور بيه ابو الدهب
    تصدق أن اللوحة بإتجاة القبلة صح شكلي ظلمتهم علشان الواحد يموت على القبلة على طول جزاهم الله خير على تذكرهم هذا الأمر .

  5. مرحبا يا محمد الغامدي
    الله يرحمة تذكّرته ،، تعال جدة وتشوف العجب .

  6. هلا بالمدون ابو لين
    اقولك هذه رسالة لك علشان تنقل من الشقة هم أعرف منك بمصلحتك شوفلك شقة ما قدامها أسفلت .

  7. يقول زهرةُ النرجس:

    لقد جذبني كثيرا العنوان، وشاقني لقراأة محتواه
    لكن للأسف لم تكن عروس البحر سوى حفرة.
    كادت تخيفك يا سيدي وتنصبك في خبر كان لكن الحمد لله ربنا ستر.
    ولا تعليق غير
    شر البلية ما يضحك والله المستعان.
    حمداً على سلامتك من الخوف
    احترامي

  8. هلا بزهرة النرجس
    ما اعرف ليش يسموا جدة بعروس البحر ، صح فيها بحر بس هي مش عروس ، لو سموها ” كهلة أو عجوز البحر ” كان أحسن ، شكراً لاهتمامك بي وانا بصحة ولله الحمد .

  9. يقول حنان احمد:

    مسكينة جدة !

    على قد مايسوون فيها باقي صابرة !

    والله لو مدينة غيرها كان انتهت من زمان !

    .
    .
    .

    جدة لولا انها أجمل من المصائب التي تغلفها
    وأحلى من الحفر التي تملؤها من اقصى شرقها الى ابعد نقطة في الغرب
    ولولا انها جدة .. لماتت منذ ازمان !

    مسكينة جدّة!

  10. يقول فهـــــــــــــد:

    تصدق يا فيصل أن الوحه التحذيره تعتبر انجاز لحفر ثانيه التحذير فيها يكون بخبر موت احد فيها

    بس لاتنسي الاشياء الايجابيه من الحفر انها صارت علامات نستدل فيها ألحين صرت اوصف البيت

    لاصحابي بالحفر الي يلاقوها بالطريق هههههه

    اذا احنا سا كنين بحفر من باب اولي نمشي علي حفر عشان احنا حفر …………….؟

  11. يقول أبو لمار (نبيل الدقل):

    الشر برا وبعيد

    سبحان الله ماهضمت جده … مدري ليش ؟

  12. مرحبا حنان
    تبقى جدة عروس في نظر مُحبيها
    وحلم جميل لسكانها
    ومن يعرف جدة في زمن مضى يبقى باكياً طوال الدهر
    شكراً لوجودك هنا وننتظر إطلاله لقلمك .

  13. هلا فهد
    خ خ خ خ خخ خ خ خ وبيتي اوصفه بالحفرية اللي لها اكثر من سنة يا خوفي يسووها
    شكراً للمرور .

  14. مرحبا ابو لمار
    ما عليك عمر الشقي بقي ويا محلى جدة في ايام المدارس ويا شينها في الاجازات زحمممممممممة علشان كذا ما الومك شكراً لمرورك يا غالي وفرحت كثير والله لحروفك في مدونتي .

  15. يقول اخوك فؤاد الفيفي ابو محمد:

    على فكرة ابوالوليد ابشرك جده طووووووووووووول السنة زحمة عارف ليه لأن !!!!!!!!!!!!!!!!!!!

    جده غيررررررررررررررررررررررررررررررررررررررررررررررررررررررررررررررررررررررررررررررررررررررر.

    اجمل وارق التحيا

  16. مرحبا فؤاد الفيفي
    خخخخخخخخخخخ من جد جدة غييييييييييييير حتى حفرها غييييييييير
    شكراً على مرورك .

  17. يقول بسام:

    تصدق اني تعرفت ع كم غامدي واصدقك القول اني لم اجد واحد فيهم رجل بمعنى الكلمة

    فقط يتعرفون عالشخص من اجل المصلحة لاغير وبعد ذلك ينتهي كل شئ

  18. يا الحبيب بسام
    ترى شكلك فاهم التدوينة غلط ، هي تتكلم عن عروس البحر وحُفرها !!!
    شكراً على رقي أخلاقك وعلى المرور الكريم .

  19. هههههههههههههههههههه
    جدة كلها حفريات , ما حذّروا إلا على هذي …
    أنا أدمنت على حفريات جدة . .
    الله يسقيها من ايام …
    الله يعين الي معهم سيارات جديدة .. لكن مصير السيارة تتعوّد ويصير عندها مناعة …

  20. بسام : الله يهديك بس … 🙂

  21. هلا بابن حجر ابن قبيلتي
    صحيح الله يرحم زمان كيف جدة كانت غير والحين مع الحفر برضوه غير … تذكرني شوارع جدة الحين بوجه واحد خارج من هوشه مع افريقي ، هع ، شكراً لمرورك يا غالي .

  22. ولا يهمك يا ابن حجر ولا تشغل بالك في بسام يكفيني جمال اسمه نور المدونة .

  23. يقول صمت المحيط:

    بصراحه انا اتوقع ان البلديه بحفرها تبغى تجبر الناس تجلس ببيوتها

    بس مافي فايده خارجين خارجين

    من جد رحت مدن في المملكه كثير زي حفر جده مااااافي

    الله يصلح الحال

أضف تعليقاً

Subscribe without commenting